सलमानपेक्षा याचाच तोरा... आधी चिडला, मग खेकसला, पॅपाराझींचे कॅमेरेही खेचले; शेराचा VIDEO VIRAL (2025)

Salman Khan Bodyguard Shera Video: बॉलिवूड सुपरस्टार (Bollywood Superstar) सलमान खान (Salman Khan) सध्या त्याच्या 'सिकंदर' (Sikandar Movie) चित्रपटामुळे भलताच चर्चेत आहे. सलमान खानचा 'सिकंदर' बॉक्स ऑफिसवर (Box Office Collection) धुमाकूळ घालेल, असं वाटलं होतं, पण तसं काही झालं नाही. सलमानचा चित्रपट बॉक्स ऑफिसवर आपटला. त्यामुळे सध्या पॅपाराझींच्या नजरा सलमान खानवर खिळल्या आहेत. फिल्म प्रमोशनवेळी दणक्यात बोलणारा सलमान खान, फिल्म आपटल्यानंतर मात्र पॅपाराझींना पाहून वाकडी वाट करत असल्याचं पाहायला मिळत आहे. अशातच रविवारी मात्र, सलमान खान पॅपाराझींच्या तावडीत सापडलाच.

रविवारी सकाळी कडेकोट सुरक्षा व्यवस्थेत बॉलिवूड सुपरस्टार सलमान खान मुंबई विमानतळाबाहेर पडला. भाईजानचा चेहरा पाहूनच समजतंय की, तो पॅपाराझींसमोर जाण्याच्या मूडमध्ये अजिबात नव्हता. तेवढ्यात सलमान खानचा अत्यंत विश्वासू बॉडीगार्ड शेरा (Bodyguard Shera) पुढे आला. शेरानं पुढे येऊन असं काहीतरी केलं की, सध्या सोशल मीडियावर तो व्हायरल होत आहे.

पॅपाराझींवर शेराची अरेरावी, दादागिरी

सलमान खानचा अत्यंत विश्वासू शेरा नेहमीच त्याच्यासोबत दिसतो. रविवारी मुंबई विमानतळावरही शेरा सलमानसोबत दिसून आला. पण, यावेळ मात्र शेरा वेगळ्याच अंदाजात दिसला. सलमान खानला विमानतळावरुन बाहेर येण्यासाठी वाट करुन देताना शेराची दादागिरी पाहायला मिळाली. सलमान विमानतळाच्या गेटवर येताच, पॅपाराझींनी त्याचे फोटो काढण्यासाठी गर्दी केली. त्यावेळी शेरा पुढे धावून आला आणि पॅपाराझींवर आरडाओरडा करुन लागला. त्यानं सर्वांना धक्काबुक्की करुन एका बाजूला केल्याचं व्हिडीओमध्ये पाहायला मिळत आहे. एवढंच नाहीतर शेरानं सर्व पॅपाराझींना तिथून हाकलवून लावलं आणि काहींचे कॅमेरे खेचण्याचाही प्रयत्न केला.

View this post on Instagram

A post shared by Viral Bhayani (@viralbhayani)

शेराचा 'तो' व्हिडीओ व्हायरल झाला

शेराच्या दादागिरीचा, अरेरावीचा व्हिडीओ सध्या सोशल मीडियावर व्हायरल झाला आहे. ज्यामध्ये शेरा पॅपाराझींवर मोठमोठ्यानं आरडाओरडा करत असल्याचं पाहायला मिळत आहे. सलमान खानचा पर्सनल बॉडीगार्ड, जो प्रत्येक कठीण काळात त्याच्यासोबत राहिला. सलमान फोटो काढण्याच्या मूडमध्ये नसल्याचं शेरानं झटकन ओळखलं आणि कसलाही विचार न करता पॅपाराझींवर तुटून पडला.
शेराने त्याचे

विमानतळाबाहेर येताच शेरा रागानं आरडा-ओरडा करु लागला. "कोई नहीं चाहिए।" "सब इधर आ जाओ, चलो!", असं म्हणत शेरानं सर्व पॅपाराझींना एका बाजूला ढकलून दिलं. अशातच ज्यावेळी एका पॅपाराझीनं सलमान खानचा व्हिडीओ रेकॉर्ड करण्याचा प्रयत्न केला, ज्यावेळी शेरा रागानं लालबुंद झाला, जोरजोरात आरडाओरडा करत "बस कर ओए!" असं म्हणत, त्याचा कॅमेराच शेरानं खेचला.

दरम्यान, सलमानच्या वर्कफ्रंटबाबत बोलायचं झालं तर, काही दिवसांपूर्वीच त्याचा बहुचर्चित चित्रपट 'सिकंदर' रिलीज झाला. जो ईदच्या निमित्तानं प्रदर्शित झाला होता, पण हा चित्रपट प्रेक्षकांना प्रभावित करण्यात अपयशी ठरला. चित्रपट रिलीज होण्यापूर्वी त्याची मोठी हव्वा होती. सलमान खाननंही मोठ्ठं प्रमोशन केलं होतं. पण, तरीसुद्धा प्रेक्षकांनी भाईजानच्या चित्रपटाकडे पाठ फिरवली. हा चित्रपट भारतीय बॉक्स ऑफिसवर केवळ 100 कोटी रुपयांची कमाई करू शकला.

महत्त्वाच्या इतर बातम्या :

आर्यनची 'अनाया' झालेल्या क्रिकेटपटुच्या मुलाचा जलवा, पहिल्यांदाच इन्स्टाग्रामवर लटके-झटके, ठुमक्यांसह दाखवल्या अदा; अफलातून डान्सचा VIDEO व्हायरल

अधिक पाहा..

#IPL2025#MIvsCSK#Devendra Fadnavis#Dhananjay Munde#Beed#Cricket News#Maharashtra Vidhan Sabha Session#Maharashtra Assembly Election2024#MVAvsMahayuti#Sharad Pawar#Chhatrapati Shivaji Maharaj#Maharashtra Politics#Marathi News#Mumbai News#Pune News#Uddhav Thackeray# Massajog#Santosh Deshmukh